Tani që jemi izoluar në shtëpitë tona dhe qarkullimi është i ndaluar pas masave të ndërmarra nga qeveria për frenimin e koronavirusit, të gjithëve na merr malli për xhirot dhe shëtitjet tona të përditshme!
Dhe nëse jeni në pritje të një lajmi të mirë, ne e kemi!
Tashmë vizita juaj nëpër qytete të ndryshme të Shqipërisë, biznese apo atraksionet më të bukura turistike të vendit tonë, mund të ndodhë virtualisht përmes aplikacionit “Welcome Albania” i cili do të kthehet në shoqëruesin më të mirë të këtyre ditëve që kemi nevojë për argëtim.
I krijuar në vitin 2017, aplikacioni “Welcome Albania” që mund ta shkarkoni në App Store dhe Play Store vjen në shërbim të të gjithë qytetarëve shqiptarë për të na treguar thesare të nayrës sonë që nuk e dinin më parë se ekzistonin.
Falë teknologjisë tashmë as nuk ju duhet të udhëtoni fizikisht për të parë qytete, muze, kështjellat e kalatë, apo plazhet e mrekullueshme shqiptare që na mungojnë kaq shumë!
Platforma ju vjen në ndihmë për t’iu sjellë edhe barnat e nevojshme nga farmacitë e certifikuara në shtëpitë tuaja, me një klikim.
Welcome Albania ju fton të shijoni dhe të eksploroi Shqipërinë nga rehatia e shtëpisë suaj, vetëm me anë të një aparati celular apo tableti.
Dhe ndërsa shihni “nga afër” destinacionet tuaja të preferuara ndoshta mund të planifikoni atë udhëtimin e shumëpritur që do të bëni kur të kalojë kjo situatë e vështirë për të gjithë.
Nëpërmjet teknologjisë së avancuar të “Tourmake”, çdokush do të mund të shijojë virtualisht destinacionin e preferuar me një rrotullim 360 gradë.
Tourmake është platforma e sjellë për herë të parë në Shqipëri nga Welcome Albania, i cili u ka mundësuar adhuruesve të udhëtimit të shijojnë dhe të eksplorojnë virtualisht Shqipërinë.
I vlerësuar me një çmim prestigjioz të Tourmake për vitin 2019, Welcome Albania arriti mbi 13,5 milionë klikime në Google.
Bëju dhe ti pjesë e kësaj platforme që do të të argëtojë pa masë në këto ditë kur qëndrimi në shtëpi po na duket më i vështirë se kurrë më parë!
