Drejtoresha e Institutit të Shëndetit Publik Albana Fico e stuar në emisionin “Real Story” dha një lajm të mirë.
Ajo tha se se një tjetër pacient i prekur nga koronavirusi është drejt shërimit pasi ka rezultuar negativ nga testet.
“Këtu ka një lajm të mirë sepse një nga gjërat që më bën optimiste është fakti se ne kemi filluar të ritestojmë, dy prej tyre kanë rezultuar të negativizuar. Nesër do vijojmë. Po rritet numri i testimeve tek ata që janë të prekur”, tha Fico.
Ky është pacienti i dytë që rezulton negativ pas ritestimeve për COVID- 19. I pari i shëruar është babai i pacientit zero, 54-vjeçari me origjinë nga Puka.
Në vendin tonë brenda 24 orëve të fundit janë shënuar 5 raste të reja, duke shkuar në 64 nurmi i të infektuarve.
Sot u konfirmohen edhe tre italianë të prekur nga COVID-19, që janë shtetasit e parë të huaj që rezultojnë pozitivë.
