Një lajm i mirë për të gjithë qytetarët që në këto ditë të vështira po përballen me izolimin nga epidemia e Koronavirusit dhe nuk kanë qenë në gjendje të paguajnë tarifat e UKT-së.
Kryebashkiaku Erion Veliaj ka bërë me dije përmes një postimi në Twitter, se duke nisur nga muaji mars, UKT do të pezullojë kamatvonesat për abonentët.
“Në kuadër të masave për lehtësimin e gjendjes për qytetarët që preken nga situata e krijuar nga virusi #COVID19, UKT njofton se duke nisur nga muaji Mars do të pezullohen kamatvonesat për abonentët. Pezullimi do të jetë në fuqi deri në një njoftim të dytë nga UKT”, shkruan Veliaj.
???
Në kuadër të masave për lehtësimin e gjendjes për qytetarët që preken nga situata e krijuar nga virusi #COVID19, UKT njofton se duke nisur nga muaji Mars do të pezullohen kamatvonesat për abonentët. Pezullimi do të jetë në fuqi deri në një njoftim të dytë nga UKT! ?? pic.twitter.com/UlXCQhhwVy
— Erion Veliaj ?♂️?⚽️?? (@erionveliaj) March 19, 2020
Ndërkohë, kryebashkiakia e Shkodrës ka bërë një propozim për përjashtimin nga detyrimet vendore për individët, familjet, personat fizikë dhe juridikë. Sipas njoftimit, Bashkia Shkodër propozon:
A: Të përjashtohen nga taksa e pronës dhe tarifat vendore (pastrim, gjelbrim, ndriçim publik) për një periudhë 3-mujore viti 2020, për të gjitha kategoritë e taksapaguesve.
B: Të përjashtohen nga kamatvonesat e detyrimeve vendore dhe gjobave për të gjitha kategoritë e taksapaguesve.
