Një çift nga Kosova ka realizuar fotot profesionale të dasmës me tematikën e Koronavirusit!
“Dashuri në kohë Korone”, është quajtur seti i ri i fotove që janë publikuar në Instagram nga fotografi Agon Gjinofci.
Ndonëse masat e sigurisë parashikojnë qëndrimin larg nga njëri-tjetri për të paktën 1 metër, kjo nuk i ka penguar dy të rinjtë të realizojnë fotot e tyre.
Ata shfaqen me maska në fytyrë dhe në njërën foto puthen me maskat e vendosura. Nusja pozon e veshur me fustanin e bardhë të nusërisë dhe dhëndri me kostumin, gjithçka e planifikuar për fotot e dasmës.
Nga 8 shkurti e deri më 17 mars 2020 në Kosovë janë testuar gjithsej 271 mostra të dyshimta me virusin COVID-19, ku prej tyre deri më tani 16 kanë rezultuar pozitive.
