Një mësues në një shkollë jopublike në Korçë, “Omiros”, ka rezultuar pozitiv me Koronavirus.
“Abc News.al” mëson se bëhet fjalë për një mësues grek, i cili ndodhet në Greqi dhe po mjekohet atje.
Prindërit janë njoftuar me një mesazh nga drejtoria e shkollës që i ka alarmuar të gjithë.
Gazetarja e “ABC News”, Lediona Xheladinaj është prind i një prej nxënësve dhe pas lajmit ajo dhe familja e saj u vëtëkarantinuan.
Në një lidhje me “ABC News” ajo shprehet se prindërit dhe nxënësit u njoftuan me një mesazh 4 ditë me vonesë nga momenti kur mësuesi doli pozitiv me COVID-19.
“Mësuesi i prekur që është konfirmuar pozitiv në shtetit grek është mësues i gjendjes së mashkullore, por nuk bëhet i ditur identiteti i tyre. Ka qenë një mesazh që na ka informuar nga mësuesit kujdestarë të shkollës. Është panik, pasi ende nuk e dime për kë bëhet fjalë ajo që na takon është që të dimë se kemi pasur apo jo kontakt me këtë mësues. Janë reagime të ashpra nga grupi i prindërve që janë pjesë e grupit. Pak minuta më parë unë kam pasur kontakte me disa persona që dy fëmijë kanë qenë të shtruar me temperaturë të lartë por nuk dihet se si do të shkojë kjo situatë në këtë shkollë të mesme. Unë ende nuk kam marrë kontakt me fëmijën pasi është tek gjyshërit, por më lejo të theksoj faktin se mësuesi i infektuar ka qenë më datë 10 në Shqipëri dhe më pas, pasi u mbyll shkolla ai është larguar për në shtetin fqinj”, ka thënë gazetarja.
Ajo thekson faktin se mësuesi me Koronavirus ka dhënë mësim para nxënësve edhe sikur të mos mjaftonte kjo, kolegët nuk e dinë se për kë mësues bëhet fjalë.
Mbetet për t’u parë se cili do të jetë reagimi i Drejtorisë Arsimore të Korçës dhe Ministrisë së Shëndetësisë ndaj kësaj situate pasi qindra prindër janë të alarmuar për shëndetin e fëmijëve të tyre.
/Abcnews.al
