Duke qenë se shifrat e të prekurve nga Covid-19 po rriten dita ditës në vendin tonë, qeveria ka marrë masa të rrepta, përfshirë edhe izolimin e popullit në shtëpi.
Kështu, për të na shoqëruar këto ditë izolimi, emisioni i humorit “Portokalli” ka vendosur të na heqë paksa mërzinë.
Në një njoftim në faqen zyrtare të emisionit në Instagram bëhet e ditur se “Portokalli” do të vazhdojë, por në një version shumë aktual.
“Ditari i Karantinës Portokalli” do të quhet tashmë programi i cili do të tregojnë nëpërmjet humorit histori të izolimit në shtëpi.
Si gjithmonë, programi do të transmetohet çdo të dielë në orën 21:00 në “Top Channel”.
https://www.instagram.com/p/B9zAd7qlKF5/?igshid=hsvx0l5rimed
