Një mjeke italiane ka përshkruar momentet e fundit të pacientëve me Koronavirus.
Francesca Cortellaro, nga spitali San Carlo Borromeo në Milano, është pjesë e stafit mjekësor në Itali që ka folur sinqerisht për luftën me Koronavirusin.
Ajo ka treguar se pacientët mbeten të kthjellët deri në fund dhe kërkojnë të bisedojnë me të dashurit e tyre përmes telefonit pasi e dinë realisht që po vdesin.
“E dini se çfarë është më dramatike? Të shohësh pacientët që vdesin vetëm, duke i dëgjuar ata ndërsa u thonë lamtumirë fëmijëve të tyre, nipërve dhe mbesave”.
Italia po përballon me vështirësi shpërthimin më të keq të Koronavirusit pas Kinës, me 250 vdekje në ditë. Shumë nga ata që vdesin janë pacientë të moshuar.
“Ata janë të kthjellët, nuk hyjnë në narkolepsi. Është sikur të jenë duke u mbytur, por me kalimin e kohës e kuptojnë atë,” tha ai.
Ajo përshkroi momentin se si një gjyshe i kishte kërkuar asaj të shihte nipin e mbesën.
“Unë nxora telefonin dhe e telefonova. Ata thanë lamtumirë. Shumë shpejt ajo ndërroi jetë”.
“Deri tani kam një listë të gjatë të thirrjeve që kam bërë me video”.
E gjithë Italia është e izoluar. Të gjitha tubimet dhe ceremonitë, përfshirë funeralet janë të ndaluara – që do të thotë se familjet e viktimave nuk mund të bëjnë asgjë për t’i dhënë lamtumirën të dashurit e tyre.
Shumë kisha janë të mbyllura, megjithëse një kardinal i Romës ka urdhëruar që ato të rihapen në kryeqytet.
/peakfm.co.uk
