Alban Skënderaj ka lajmëruar se janë anuluar koncertet e tij, në Kanada dhe në Shtetet e Bashkuara të Amerikës, pas situatës së vështirë me Koronavirusin anembanë botës.
Këngëtari i njohur shqiptar ka njoftuar fansat e tij në Instagram se, koncertet e planifikuara do të shtyhen për një afat të pacaktuar ende.
Albani shprehet se shëndeti është mbi gjithçka, dhe kjo arsye vlen për të justifikuar edhe ato blerje biletash që janë bërë tashmë nga shqiptarët përtej oqeanit.
“Të dashur miq duke marrë parasysh situatën e rënduar globale nga Koronavirusi, koncertet që ishin planifikuar në Kanada por edhe në USA shtyhen me një afat ende të pacaktuar. Jemi në pritje të zhvillimeve të reja dhe gati që në momentin e parë që është e mundur të shpallim datat e reja. Më shumë info do vijnë në vazhdim. Kushdo që ka nevojë për më shumë shpjegime t’i drejtohet kontakteve më lart. Faleminderit dhe uroj për të gjithë një rikthim sa më të shpejt në normalitet. Shëndeti mbi të gjitha!”.
