Ditën e sotme, sipas një konfirmimi të Zv.Ministres së Shëndetësisë, numri i të infektuarve nga Koronavirusi në Shqipëri ka shkuar në 33.
Mes të infektuarve bën pjesë edhe mjeku i pacientes që ndërroi jetë në Spitalin e Durrësit.
Kjo situatë e vendit ka detyruar Ambasadën Gjermane të pezullojë aplikimin për viza për qytetarët shqiptarë.
Kjo deri në një njoftim të dytë pas ditës së dielë, për të parë situatën e Koronavirusit në vend.
NJOFTIMI I AMBASADËS
Për shkak të kufizimeve në qarkullimin rrugor, ditën e premte, më 13.03.2020, sektori i vizave do të jetë i mbyllur. Duke filluar nga e hëna, më 16.03.2020, në rast se nuk do të ketë ndryshime, ne do të jemi përsëri në shërbimin tuaj.
Përgjithësisht për hyrjen në sektorin e vizave duhet patur parasysh: Nisur nga rreziku i lartë i infektimit të virusit COVID-19 Ambasada sjell qartësisht në vëmendje të aplikuesve, që përpara zyrës së vizave të mbahet një distancë krejt të paktën 2 metrash nga njëri-tjetri.
Aplikuesit, që shfaqin simptoma të virusit (temperaturë e lartë, kollë) apo që në 14 ditët e fundit kanë udhëtuar në Itali apo Greqi apo në një nga zonat me risk të lartë, janë të lutur të mos paraqiten në datën e aplikimi të tyre dhe të njoftojnë për këtë Ambasadën përmes email-it visa@tira.diplo.de në mënyrë që takimi të mund të shtyhet.
