Një grua 72-vjeçare ka ndërruar jetë mbrëmjen e kaluar në Qendrën Shëndetësore të Mamurrasit.
Sipas informacioneve të para, mësohet se ajo është dërguar me urgjencë në spital dhe kishte shenja gripale.
Edhe pse mjekët i kanë bërë vizitat e nevojshme, e moshuar nuk ka mundur të mbijetojë.
Burime për “Dosja.al, bëjnë me dije se e moshuara ka ndërruar jetë teksa po i bëheshin kontrollet.
Doktorët dyshojnë se mund të ketë qenë e infektuar nga virusi COVID-19, por për këtë gjë pritet përgjigja e analizave.
Rasti i vdekjes së 72-vjeçares në këtë mënyrë nuk është i vetmi.
Ndoshta edhe rasti i gruas në Korçë, apo ai i edukatores që u nda nga jeta në rrethana të pashpjeguara, mund të kenë lidhje me Covid-19.
Mjekët thanë se 50-vjeçarja nga Korça iu nënshtrua testit të Koronavirusit dhe rezultoi negative, megjithatë dyshimet mbeten.
Ndërsa, për edukatoren nuk u dha më asnjë informacion.
Gjithësesi, ajo që dihet me siguri është se të gjithë ata që kanë patur kontakte me të ndjerat, duhet t’u nënshtrohen kontrolleve për t’u siguruar se janë të paprekur nga virusi agresiv.
