Nuk u vetëkarantinuan, ushtria ndalon 450 persona të ardhur nga Italia

Që prej ditës së djeshme ushtria dhe policia kanë zbritur në terren, për të evidentuar personat që thyejnë rregullat e vetëkarantinimit.

Deri më tani janë ndaluar 450 persona me histori udhëtimi nga Italia, të cilët kanë thyer rregullat e vetëkarantinimit.

Lexo edhe :

Agnesa Vuthaj nis një kapitull të ri në jetë, bëhet nënë për herë të parë

11:41 08/03/26

Bota e televizionit në zi, aktori i “Will & Grace”, Corey Parker ndahet nga jeta në 60 vjeçare

11:39 08/03/26

Kryeministri Edi Rama paralajmëroi dje, se kush thyen rregullat e vetëkarantinimit, do të gjobitet me 5 mijë euro dhe nuk mund të dalë jashtë kufirit pa e shlyer masën administrative.

Që kur Covid-19 kishte shpërthyer në vendin tonë, kanë hyrë 25 mijë persona nga Italia.

Aktualisht në  Shqipëri është shënuar 1 viktimë dhe 23 të infektuar.

Qeveria ndërkohë ka ndërmarrë një sërë masash shtrënguese, duke mbyllur lokalet, anuluar të gjithë aktivitetet kulturore dhe sociale.

Gjithashtu që nga ora 6 e ditës së nesërme deri në mesnatën e së dielës, qarkullimi i makinave private do të ndalohet.

Njëkohësisht është ndërprerë edhe transporti urban në qytetet kryesore të vendit./gazetareforma