Një person i stafit teknik të McLaren ka rezultuar pozitiv ndaj testit të koronavirusit, ndaj skuderia ka njoftuar tërheqjen nga Çmimi i Madh i Australisë.
Skuderia britanike ka bërë një njoftim zyrtar ku i mëshon faktit se personi i infektuar ishe izoluar menjëherë sapo ishin shfaqur shenjat e para të sëmundjes.
I gjithë ekuipazhi i McLaren është futur në karantinë, duke përmendur këtu edhe pilotët Lando Norris dhe Carlos Sainz.
Përhapja e koronavirusit në të gjithë botën dhe ky lajm ka ngritur alarm të madh, ndaj është vënë në dyshim edhe realizimi i garës së parë të Botërorit 2020 për Çmimin e Madh të Australisë.
