Ditën e sotme janë regjistruar 8 raste të reja të cilat kanë rezultuar pozitive me koronavirus në Shqipëri.
Ministria e Shëndetësisë bën me dije se numri i të prekurve në vendin tonë ka arritur tashmë në 23.
Sipas njoftimit zyrtar nga Ministrja e Shëndetësisë, në rastet e reja, 3 janë regjistruar në Tiranë, 2 në Durrës, 2 në Elbasan dhe 1 në Rrogozhinë.
Dy nga rastet e prekura kanë pasur kontakt me të moshuarën që humbi jetën në Durrës.
Deri tani, një e moshuar në Durrës humbi jetën nga Covid-19, ndërsa ende po testohen persona të tjerë të dyshuar, përgjigjia e analizave të të cilëve pritet të dalë së shpejti.
