Kryeministri i vendit, Edi Rama ka njoftuar se të gjithë lokalet, restorantet, klubet dhe baret në Tiranë dhe në Durrës do të mbyllen deri në një njoftim të dytë.
Me anë të një postimi në rrjetet sociale Rama u shpreh se ka pasur një vetëdije të ulët të të rinjve që vijojnë të vizitojnë lokalet e restorantet.
Ndër të tjera kryeministri Rama shkruan se kjo nuk është kohë pushimesh dhe argëtimi por një luftë që fitohet duke kufizuar disa liri.
“NDJESË por duke parë shkallën e ulët të vetëdijes së shumë qytetarëve, kryesisht të rinj, që e kanë edhe më të vështirë të rrinë në një vend, detyrohemi TË MBYLLIM TË GJITHA RESTORANTET, BARET, KLUBET, në TIRANË dhe DURRËS fillimisht!
KJO NUK ËSHTË KOHË PUSHIMESH dhe ARGËTIMESH JASHTË SHTËPISË, po KOHË LUFTE Dhe KJO LUFTË FITOHET VETËM DUKE KUFIZUAR LIRINË TËNDE, DUKE NDRYSHUAR RRËNJËSISHT MËNYRËN E JETESËS dhe DUKE RUAJTUR FAMILJEN TËNDE nga kontaktet e tua me jashtë! FRIKË ASPAK, KUJDES PO! MADJE SHUMË FARE!” shkruan kryeministri Rama.
Vendimi u mor pasi në vendin tonë u shënua viktima e parë nga Koronavirusi, ndërsa të prekur janë 11 persona.
