Moderatorja e njohur, Brunilda Lahe pasditen e sotme ishte e ftuar në emisionin “Ftesë në pesë”.
Ajo bëri daljen e parë publike pas lindjes dhe dukej mjaft në formë.
Brunilda foli për mëmësinë dhe teksa po tregonte për të bijën, u përlot në mes të emisionit.
Ajo tha se për herë të parë është larguar nga e bija, Hana dhe e ka lënë atë me të motrën në shtëpi.
“Është hera e parë që e kam lënë vetëm, prandaj jam kështu”, tha Bruna.
Moderatorja u bë nënë për herë të parë në fund të vitit që lamë pas dhe pas lindjes u kthye menjëherë në rrjetet sociale.
Nuk dihet ende se kur do të kthehet në ekran dhe nuk ka zbuluar ende asnjë detaj.
