Gjatë ditës së sotme është rritur ndjeshëm numri i personave të infektuar nga koronavirusi në Greqi.
Vetëm sot janë regjistruar 21 raste pozitive me Covid-19.
Tashmë, Greqia numëron 31 persona të infektuar me koronavirus, ndërsa vendi po merr masa të ashpra ndaj kësaj epidemie.
Pas konfirmimit të rasteve të infektuara, autoritetet kanë ndaluar çdo aktivitet duke mbyllur shkollat, teatrot, kinematë si dhe sitet arkeologjike e sportive.
Sipas një njoftimi nga Ministria e Shëndetësisë, rastet e konfirmuara ishin një grup udhëtarësh që ishin kthyer kohët e fundit nga një pelegrinazh në Izrael dhe Egjipt.
