Koronavirusi na ka mbërthyer nga të gjitha anët! U shfaq në Itali ku ka shkaktuar mbi 104 viktima, në Kroaci, Maqedoni si dhe në Greqi, ku deri tani fatmirësisht ka vetëm të infektuar.
Ndërkohë në Shqipëri nuk ka asnjë rast të konfirmuar. Deri më tani janë testuar 50 raste të dyshuara, por që kanë rezultuar negative.
Mjekët e lidhin këtë me kushtet klimatike, pasi ne jemi më ngrohtë, dhe Koronavirusi nuk i duron dot temperaturat e larta (lexo këtu). Gjithashtu ne kemi shumë mikroorganizma gjatë gjithë vitit dhe kemi një imunitet më të fortë në momentin që shfaqen organizma të reja.
Por si shpjegohet që është prekur rajoni. Në fakt Greqia dhe Maqedonia nuk kanë shpërthime komunitare, por kanë raste të importuara.
Deri më tani, përveç Shqipërisë, Mali i Zi, Kosova dhe Serbia janë gjithashtu shtete ku nuk ka pasur raste me Koronavirus.
Në vendin tonë ka dyshime se virusi nuk kapet pasi ne testojmë shumë pak raste. Por Ministria e Shëndetësisë hedh poshtë dyshimet se në laborator testohen pak raste për shkak të mungesës së kiteve, pasi sipas saj ka kite mjaftueshëm për çdo skenar të mundshëm.
/Top Channel
