Këngëtarja Xhensila Myrtezaj duket se ka marrë shumë nga humori i partnerit të saj, Bes Kallakut dhe ka nisur t’i përdorë batutat e tij shumë shpesh.
Madje, edhe atëherë kur Besi përpiqet të tregohet sa më romantik, Xhensila “nuk e lë” të vazhdojë me batutat e saj.
Kështu ka ndodhur në njërin prej postimeve të fundit të këngëtares në Instagram.
Xhensila ka publikuar disa poza bardhë e zi, krahas së cilave shkruan:
“Unë jam grua. Cila është superfuqia jote?”
https://www.instagram.com/p/B9UYwFshmfu/
Në sy ka rënë komenti i Bes Kallakut, i cili i ka shprehur vlerësimin më të madh partneres së tij.
“Ti je superfuqia ime”- i shkruan aktori Xhensilës, duke u treguar shumë romantik.
Mirëpo, romanca kaq zgjati sepse këngëtarja i ka kthyer me humor përgjigjen që shkriu së qeshuri ndjekësit.
“Domatja është superfuqia jote”- i shkruan ajo dhe deri në njëfarë pike ramë dakord me këtë koment epik.
Në korrik të vitit 2018, Xhensila dhe Besi u bënë prindër të vogëlushes Ajka, të cilën këngëtarja dëshiron ta bëjë në të ardhmen me motër dhe vëlla.
Megjithatë, momentalisht Xhensila i është përkushtuar koncerteve dhe të bijës, e cila është kthyer në një ndër fëmijët më të njohur të showbiz-it shqiptar.
