Përhapja e koronavirusit në Itali ka marrë shifra të frikshme dhe për këtë arsye qeveria italiane është duke u munduar të izolojë sa më shumë virusin.
Qeveria italiane ka bërë me dije se duke filluar që nga nesër, pritet që të gjithë shkollat dhe Universitetet, të mbyllen deri në mes të marsit.
Tashmë autoritetet po përpiqen që të ulin numrin e të prekurve në jug të vendit, të cilët janë shumë pak në krahasim me veriun.
Në Lombardi dhe Emilia Romagna është java e tretë që shkollat vijojnë të jenë të mbyllura.
Deri më tani në Itali kanë ndërruar jetë 79 persona dhe të infektuar rezultojnë mbi 2500 persona.
Numri i të shëruarve ndërkohë është në rritje dhe pritet që në javët në vazhdim Italia të kalojë situatën e rrezikshme.
