Pas thumbave të shumtë me njëra-tjetrën në postimet e tyre në InstaStory, marrëdhënia e dy ish-mikeshave, Jonida Maliqi dhe Alba Danaj është agravuar goxha.
Pasi Jonida ia la në dorë ligjit të merret me këtë çështje, Alba ka nisur “kërcënimet” e saj në rrjete sociale.
Alba pretendon se Jonida ka ofenduar familjen dhe fëmijën e saj ende pa lindur, ndaj ajo shprehet se pavarësisht vlerës monetare që mund të humbë nëpër gjyqe, këtë s’do t’ia harrojë kurrë.
“Ti mund të flasësh gjepura për mua, gjërat materiale s’më interesojnë dhe s’kanë rëndësi, por në momentin që flet gjëra të papërshtatshme për familjen time dhe sidomos për fëmijën tim ende të palindur, atëherë do të më interesojë dhe s’do të fal e harroj kurrë.”- shkruan Alba krahas fotos, pa shpjeguar më tepër se ç’ka ndërmend të bëjë.
Gjithçka nisi me thumbin e Albës për një deklaratë të Jonidës pak kohë më parë, e cila shprehej se nuk i pëlqente aspak çantat e vogla të dorës dhe s’do të blinte kurrë një të tillë.
“Hahaha se në fakt u këpute duke blerë të mëdha. Laj borxhet e atyre që ke mi fasadë dhe pastaj fol e komento për çanta. Mjerë në duart e kujt ka ngelur opinioni për modën”, shkruante Alba në postimin e saj në InstaStory, duke nisur kështu sherrin e madh mes vajzave.
Kjo nuk është hera e parë që Alba sulmon Jonidën në publik.
Ajo përpiqet që në çdo postim në rrjete sociale për këngëtare, të bëjë komente ofenduese për të, si rasti i mëposhtëm në postin e Olti Currit.
