Shumë shpejt, moderatorja Luana Vjollca do të sjellë në ekranin e “Top Channel” emisionin më të ri dedikuar çifteve, “Take me out Albania”.
Ky format do t’i mundësojë të rinjve të gjejnë dashurinë e jetës.
Pas suksesit të jashtëzakonshëm nëpër botë, ky program i është besuar Luanës e cila po punon fort për ta sjellë sa më shpejt në ekran.
Megjithëse ende nuk ka zbuluar një datë, moderatorja ka treguar se dita e nisjes së transmetimit të “Take me out Albania” është shumë e afërt dhe i ka ftuar të gjithë të marrin pjesë në audicione.
Pak më parë, ajo ka ndarë në InstaStory-n e saj edhe pamje të skenës gjigante të emisionit të ri, e cila është ende në përgatitje e sipër.
Siç e shohim nga videot e Luanës, skena ka hapësirë të madhe dhe është e projektuar në një formë që nuk e kemi parë më herët në emisionet shqiptare.
“Skena gjigante e “Take me out Albania”- shkruan Luana krahas videove, duke na bërë kuriozë të dimë ç’na pret me këtë show.
