Në Shqipëri nuk ka ende asnjë rast me Koronavirus!
Të paktën këtë konfirmoi ministrja e Shëndetësisë, Ogerta Manastirliu sot në një njoftim për shtypin.
Manastirliu bëri të ditur se deri tani janë bërë 36 testime, por të gjithë kanë rezultuar negativ me COVID 19. Ajo shtoi se vijon pajisja me mjete mbrojtëse për të gjithë personelin.
Ministria e Shëndetësisë dhe Mbrojtjes Sociale u bën apel udhëtarëve që vijnë nga rajonet e prekura me shpërthime komunitare dhe që kanë pasur kontakte me persona të sëmurë apo të dyshuar për COVID-19, të vetëkarantinohen për një periudhë 14 ditore.
Numri total i të vdekurve në shtetin fqinj Itali, ka shkuar në 55, ndërsa i të shëruarve në 66.
Epidemia e Koronavirusit ka sjellë infeksione në të gjithë botën dhe numri i përgjithshëm ka shkuar mbi 90,000.
Sipas të dhënave në kohë reale të universitetit amerikan Johns Hopkins, viktimat janë 3,117, të shëruarit 48.101.
