Pas shpërthimit të koronavirusit në Itali paniku është bërë më i madh për shqiptarët dhe është vënë re që në vendin tonë po kthehet një numër i madh i emigrantëve.
Në këto kushte nuk dihet se sa i sigurt është udhëtimi drejt Italisë, megjithatë për të gjithë ata që kanë prerë biletat Angelo Borrelli, kreu i agjencisë së Mbrojtjes Civile të Italisë, ka treguar se çdo gjë është në kontroll.
Italia ka marrë masa të jashtëzakonshme dhe virusi është i izoluar në pak qytete.
Qytetet si, Codogno, Castiglione d’Adda, Casalpusterlengo, Fombio, Maleo, Somaglia, Bertonico, Terranova dei Passerini, Castelgerundo dhe San Fiorano në Lombardi dhe Vo ‘Euganeo në Veneto janë izoluar për të mos u përhapur virusi.
Deri më tani në Itali kanë ndërruar jetë 7 persona, të cilët kanë pasur edhe probleme të tjera shëndetësore.
