Prej disa muajsh, reperja Loredana Zefi po shijon romancën e saj të re me reperin gjerman, Zuna.
Dyshen e kemi parë shpesh së bashku kohët e fundit dhe ata janë kapur herë pas here “mat” nëpër aeroporte, gjatë pushimeve së bashku si dhe në studio muzikore duke punuar për projekte të reja.
Mirëpo, postimi i fundit i Loredanës na bëri të mendojmë se çifti i ka dhënë fund lidhjes!
Reperja publikoi në InstaStory një foto që linte të kuptohej se tashmë është single.
“Bëj para, jo të dashur”- shkruhej në foton e Loredanës që ngriti shumë pikëpyetje.
Ende nuk e dimë nëse kjo është një shenjë nga reperja, apo fotoja nuk ka lidhje me jetën e saj sentimentale.
Mbetet vetëm të presim për të reja nga dyshja më e komentuar e momentit.
Disa ditë më parë, Loredana dhe Zuna udhëtuan së bashku drejt Londrës dhe nuk mundën t’i shpëtonit syrit të paparacëve, të cilët i fotografuan shumë pranë njëri-tjetrit në aeroport.
