Disa ditë më parë bëri xhiron e rrjetit video e një 9-vjeçari i cili i kërkonte të ëmës litar për të varur veten.
E ëma e tij publikoi videon në rrjetet sociale dhe tregonte momentin e dhimbshëm kur i biri i lutej që ajo t’i jepte litar të vriste veten, pasi shokët e bullizonin në shkollë pë shkak se vuan nga nanizmi.
Të shumtë ishin personat që u solidarizuan me rastin e vogëlushit, duke i dhuruar më shumë se 500.000$.
Mirëpo, në rrjet qarkulloi lajmi se 9-vjeçari me nanizëm në fakt është 18-vjeç dhe na ka mashtruar të gjithëve për para.
Këto lajme u mohuan, mirëpo vërtetësia e tyre është vënë sërish në dyshim pasi mamaja e 9-vjeçarit e ka fshirë videon që u përhap në të gjithë rrjetin.
Pa asnjë arsye, llogaria në Facebook e mamasë së djalit është fshirë dhe të gjithë po dyshojnë se lajmi i mashtrimit ka qenë i vërtetë.
Populli po pret një shpjegim, ndërkohë që ende nuk kemi asnjë reagim nga familjarët e 9-vjeçarit.
Pavarësisht se e ëma ka fshirë llogarinë e saj në Facebook, videoja vazhdon të qarkullojë në rrjet dhe është më e klikuara e momentit.
