Keisi nuk e ka pritur aspak mirë një skeç të realizuar së fundi nga Roza Lati dhe Stresi për arrestimin e reperit dhe burgosjen e tij për pjesmarrje në grupet kriminale dhe armëmbajtje rreth një vit më parë.
“Si ta bëjmë mizën balenë”, titullohet skeçi në të cilin reperi dhe moderatorja kanë inskenuar momentin e tij të arrestimit.
Roza bën rolin e një fanseje që i është futur në dhomën e hotelit Stresit, ndërkohë që ky nuk e ka idenë se kush është. Më pas vjen policia dhe arreston reperin, ndërkohë që Roza bërtet “jam shtatzënë, më përdhunoi”.
Kjo skenë nuk i ka pëlqyer aspak Keisit, e cila ka reaguar pas emisionit me një status ku shprehet se nuk duhet të tallesh ose të bësh humor me vuajtjet e të tjerëve.
Keisi shprehet se Roza nuk duhet të prekë jetën e saj private dhe se nuk i shkon aspak ky humor një prezantueseje emisioni.
Aktualisht Stresi dhe Keisi janë drejt bashkimit, pas ndarjes së përfolur. Vetëm pak ditë më parë ata kujtuan Shën Valentinin e festuar me njëri-tjetrin, ndërsa Keisi vijon të jetë mbështetësja më e madhe e punës së Stresit, përveç këtij skeçi.
