Një vajzë e re rreth të 30-ave ka rënë nga kati i fundit i një ndërtese në Korçë.
Burimet nga vendngjarja bëjnë me dije se vajza ndodhej në katin e gjashtë të një ndërtese që përdoret si kafene.
E reja ndodhet në gjendje të rëndë për jetën, por nuk dihet ende nëse ka rënë aksidentalisht apo është vetëhedhur.
Burime për Report Tv bëjnë me dije se vajza rreth moshës 30-vjeçare, ka mbetur në katin e dytë të ndërtesës, nga ku më pas është transportuar menjëherë në spital.
Hetimet vijojnë deri në zbardhjen e plotë të ngjarjes, e cila deri më tani konfirmohet si aksidentale.
