Aktorja e njohur e humorit, Delinda Disha dhe partneri i saj, Eldo, u bënë prindër për herë të parë në vitin 2017.
Delinda solli në jetë një vogëlush të cilin e pagëzuan me emrin Dasantin.
Sot, i vogli i tyre ka mbushur plot 3 vite jetë dhe aktorja ka zgjedhur ta urojë me videon e veçantë të momentit të lindjes së tij.
Sigurisht, për çiftin ky ishte momenti më i bukur i jetës së tyre, të cilin do ta ruajnë përjetë dhe do t’ia tregojnë edhe të voglit kur të rritet.
Me fjalë të ëmbla, Delinda ka uruar të birin në postimet e saj në InstaStory, duke i shprehur dashurinë e madhe të një nëne.
“Dasantini jonë sot bën 3 vjeç. Shpirt, mami dhe babi të duan shumë.”- shkruan ajo krahas një fotoje.
“Momenti më i bukur i jetës time. Sot dashuria jonë bën 3 vjeç.”- janë fjalët e aktores në videon ku shfaqet në spital me të birin e porsalindur pranë vetes.
Një muaj më parë, Delinda mori vëmendjen e mediave për shkak të gjyqit të saj me “Top Channel”.
Siç u mësua, televizioni e paditi aktoren 6 muaj pas largimit të saj në “Klanifornia” në “Tv Klan”, ku vazhdon të punojë momentalisht.
Shkak për gjyqin u bë kontrata e papërfunduar e Delindës me “Top Channel” dhe firmosja e një kontrate të re me “Tv Klan”.
