Bashkëshortja e aktorit të famshëm turk, Burak Ozcivit, ka humbur personin më të dashur.
Babai i Fahriye Evcen ka ndërruar jetë pas një beteje të gjatë me një sëmundje të pashërueshme.
Ai ishte shtruar kohët e fundit në spital, ndërsa dy vite më parë iu nënshtrua një operacioni për kancerin në stomak.
Burime pranë aktores kanë treguar se ajo ndihet e shkatërruar nga humbja e të atit dhe po kalon momente të vështira.
Bashkëshorti i saj, Burak, po i qëndron partneres më pranë se kurrë për ta ndihmuar ta kalojë dhimbjen e madhe.
Aktorja po planifikonte të rikthehej shumë shpejt në ekran pas lindjes së djalit të tyre një vit më parë, ndërsa Burak është rikthyer me një rol në serialin “Osmani”, i cili shumë shpejt do të nisë transmetimin edhe në Shqipëri.
