Ditën e sotme, reperja Loredana Zefi dhe partneri i saj i ri, Zuna, u fotografuan në aeroportin e Zvicrës teksa qëndronin pranë njëri-tjetrit në çdo moment.
Mesa duket, çifti kishte vendosur “të arratisej” në fshehtësi për disa ditë pushimi së bashku, mirëpo as këtë herë paparacët nuk i lanë rehat.
Një rrjet qarkulloi një foto e dyshes në aeroport, ndërsa më vonë vetë Loredana publikoi një foto në avion (sigurisht, Zuna s’dukej gjëkundi në foton e saj).
Të gjithë u bëmë kuriozë të dinim destinacionin e çiftit dhe këtë kuriozitet na e shuajti vetë reperja.
Ajo ndau në InstaStory një foto në aeroportin e Londrës, ku kishte vendosur këmbët mbi valixhen e saj.
Mesa duket, Londra është destinacioni që çifti ka zgjedhur kësaj here, ndërsa ne po presim të shohim ndonjë pozë të dyshes së bashku.
Loredana dhe Zuna janë kthyer në çiftin më të komentuar të showbiz-it së fundmi dhe kujtojmë se ata u kapën gjithashtu “mat” në një festë enkas për të dashuruarit në Gjermani.
Dyshja po kalon thuajse shumicën e kohës bashkë dhe duket se gjërat po nisin të bëhen goxha serioze mes tyre.
