Nuk ka qetësi për Britaninë e Madhe!
Pas largimit të stuhisë së frikshme “Ciara”, vendi po përgatitet për mbërritjen e ciklonit “Dennis”.
Mediat britanike shkruajnë se qindra fluturime janë auluar, ka vonesa trenash e zona të përmbytura që përgatiten për një tjetër valë vërshimesh shkatërruese.
Dennis do të jetë një goditje e fortë për komunitetet që ende nuk e kanë marrë veten nga kalimi i “Ciara-s”,e cila pati edhe disa viktima.
Sipas tyre, stuhia e re do të jetë më e fortë dhe pritet të qëndrojë për disa ditë në vend.
Nga stuhia pritet të preket fuqishëm Islanda , ndërsa nuk do t’i shpëtojnë as Danimarka e Norvegjia.
Nga të dhënat e deritanishme, rezulton se “Dennis” mund të shndërrohet në njërën prej stuhive më të fuqishme të Atlantikut të regjistruara ndonjëherë.
