Një ngjarje tragjike ka ndodhur këtë të shtunë në Montefiascone, në provincën e Viterbo, Itali ku e reja shqiptare e quajtur Aurora Grazin u gjet e vdekur në shtratin e prindërve.
Ngjarja e rëndë ndodhi vetëm pak orë pasi 17-vjeçarja la ambientet e spitalit Belcolle pasi kishte shkuar për shkak se nuk ndihej mirë.
Megjithëse familjarët kanë njoftuar menjëherë ambulancën, ndërhyrja ka qenë tepër vonë pasi ajo kishte ndërruar jetë.
Ndërkohë vdekja misterioze e 17-vjeçares ka bërë që Policia dhe Prokurori Publik i Viterbo të nisin hetimet për të zbardhur të plota shkaqet e vdekjes së saj.
Trupi i vajzës është dërguar në morg dhe është vënë në dispozicion të mjekëve ligjor për të kryer ekspertizën.
