Teksa viktimat nga coronavirusi në Kinë rriten çdo ditë e më shumë, ditën e sotme është shënuar rasti i 3 jashtë saj.
Ngjarja ka ndodhur në Japoni dhe lajmi është bërë i ditur nga ministria e Shëndetësisë, e cila ka konfirmuar kështu vdekjen e parë për shkak të coronavirusit.
Viktima, një grua rreth 80-vjeçare, jetonte në Kanagawa, zonë e cila kufizohet me Tokion.
Kujtojmë se dy viktimat e para jashtë territorit kinez u regjistruan në Hong-Kong dhe Filipine.
Po ashtu, në mediat maqedonase është raportuar ditën e sotme se një nga tre shtetasit nga Maqedonia që ndodheshin në anijen kruiser ‘Diamond Princess’në Japoni ka rezultuar me coronavirus.
Ai është dërguar në Spitalin e Jokohamës për mbikëqyrje mjekësore, megjithëse bëhet fjalë për një formë të lehtë të virusit.
Nuk është vendosur ende nëse shtetasi në fjalë do të dërgohet në Maqedoni apo do të kurohet në Japoni.
Deri më tani coronavirsui ka vrarë mbi 1350, ndërsa janë prekur më shumë se 60 mijë./ gazetareforma
