Gazetari i njohur i kamerave të fshehta Ronaldo Sharka, ka rrëfyer prapaskenat e kamerës së fundit të fshehtë që i kishte bërë aktori i njohur i humorit Romeo Veshaj.
I ftuar në emisionin “Mes Yjesh” ai u shpreh se kur Romeo theu gotën në mes të lokalit filloi të frikësoheshe dhe po mendonte që sapo të largohej nga lokali të shkonte ta hidhte në gjyq.
“Ma punuan bukur, deri në momentin që Romeo të thyente gotën unë nuk kisha frikë sepse normal në një ambient publik askush nuk të bën asnjë gjë, aq më pak një person të flet dhe të kërcënon nuk të bën gjë. Ai që e ka në mendje për të të vrarë apo për të të bërë diçka nuk të çon mesazhe. Thash ta përziej me qetësi, të shkoj në polici, të marr filmimet e lokalit e ta hidhja në gjyq. Kjo ishte gjëja më e mirë ligjore që mund të bëja. Kur theu gotën u tremba pak se thashë e paska ndarë mendjen të më bëjë keq. Pas kameras i ulëm gjakrat dhe u bëmë miq”.
Gazetari ka një histori përplasjesh virtuale me dy vëllezërit binjakë për shkak të materialeve që zotëron për ta.
Ai shprehet se ato sharjet që dëgjuam tek kamera e fshehtë nuk janë asnjë gjë fare, ka pasur të tjera të shara ekstreme dhe kërcënime, por shton se i kupton vëllezërit Veshaj.
