Një mjek kinez që u përpoq të paralajmëronte për shpërthimin vdekjeprurës të koronavirusit ka vdekur nga infeksioni, thonë mediat kineze.
Li Wenliang ishte duke punuar si okulist në Spitalin Qendror Wuhan kur u dërgoi një paralajmërim miqve të tij në 30 dhjetor.
Mjeku 34-vjeçar u tha miqve të tij që të paralajmërojnë të dashurit e tyre privatisht.
Por brenda disa orësh, pamjet nga mesazhet e tij u bënë virale – pa u fshirë emri i tij.
Policia më pas e vizitoi atë për t’i thënë që të ndalet, pasi autoritetet u përpoqën t’i mbanin lajmet nën kontroll.
Ai ishte një nga tetë personat që po hetoeshin për “përhapjen e thashethemeve”.
Virusi tani ka vrarë më shumë se 560 njerëz dhe ka infektuar 28,000 të tjerë në Kinë.
Koronavirusi shkakton infeksion të rëndë akut të frymëmarrjes dhe simptomat zakonisht fillojnë me ethe, e ndjekur nga një kollë e thatë.
Shumica e njerëzve të infektuar ka të ngjarë të shërohen plotësisht – ashtu si ata nga një grip.
/BBC
