Shannen Doherty, 48 vjeç, ka zbuluar se vuan nga kanceri i fazës së katërt, tre vjet pasi mjekët i thanë se u shërua nga kanceri i gjirit.
Aktorja e njohur u shfaq në “Good Morning America” të martën në mëngjes për të folur për gjendjen e saj. Ajo u diagnostikua me kancer të gjirit në vitin 2015, më pas kaloi një sërë terapish për ta mposhtur atë.
Shannen mësoi se kanceri ishte rikthyer në mënyrë agresive në fillim të vitit të kaluar dhe e ka mbajtur atë sekret që nga ajo kohë, por ka dashur ta zbulojë këtë javë para se rasti të bëhej publik në dokumentet gjyqësore që janë pjesë e padisë së saj kundër kompanisë së sigurimeve shtetërore “Farm” për dëmtimin e shtëpisë së saj nga një zjarr në 2018-n.
“Do të dalë brenda disa ditësh ose javësh që unë jam në fazën e 4-t, kanceri im u kthye dhe kjo është arsyeja pse unë jam këtu. Është e vështirë për ta përtypur në shumë mënyra. Unë jam shumë e frikësuar”.
Ajo shtoi se ishte më e shqetësuar për mënyrën sesi do t’i thoshte nënës së saj, Rosa dhe burrit të saj, producentit të filmit Kurt Iswarienko.
“Nëna ime është një qenie njerëzore e fortë dhe e guximshme. Kështu është dhe burri im, por unë shqetësohem për të”, tha ajo.
Doherty nuk ka fëmijë. Ajo foli edhe për humbjen e kolegut të saj Luke Perry, i cili u nda nga jeta vitin e kaluar.
https://www.instagram.com/p/B8JYD26H5Vo/?igshid=zf1izub1ivrd
Aktorja ishte diagnostikuar me fazën 4 kur Perry vdiq nga një atak në shkurt në vitin e kaluar.
“Pse nuk isha unë? Ishte aq e çuditshme për mua që të diagnostikohesha dhe pastaj dikush që dukej i shëndetshëm të vdiste. Ishte vërtet tronditëse dhe më e pakta që mund të bëja për ta nderuar atë ishte ta bëja atë shfaqje. Unë ende nuk kam bërë sa duhet për mendimin tim”, tha ajo për remake-n e “Beverly Hills”.
