Në ditët e fundit të muajit janar, Fatma Methasani dhe Alfio Rrotani u bënë prindër për herë të parë.
Në jetë erdhi një vogëlush, të cilin çifti vendosi ta pagëzojë me emrin Noah.
Pas lindjes së Noah, Alfio i është kthyer punës dhe së fundmi ka hapur shkollën e tij të gatimit.
Në ditën e hapjes ai ka pasur të ftuar personazhe të njohur dhe sigurisht në të nuk mund të mungonte Fatma.
Vetëm pak ditë pas lindjes, moderatorja ka bërë daljen e parë publike dhe me anë të fotove në Instagram duket se është rikthyer në formë.
Në përshkrimin e fotove ajo i bën edhe një dedikim special Alfios.
“Babi Alfio, tani jemi dy që duartrokasim dhe krenohemi me sukseset e tua! E adhuroj aftësinë tënde për të bërë gjërat që do dhe për t’i bërë gjithmonë perfekt! Të duam kampion! ❤️ Suksese”, shkruan moderatorja.
Tani që moderatorja ka sjellë në jetë djalin, mezi po presim ta shohim në ekran. Nëpërmjet një deklarate të bërë disa ditë më parë, Fatma tregoi se tani do të jetë në postin e drejtoreshës së televizionit “InTV”.
