Aktorja e serialeve meksikane, Anahi, u bë e njohur për publikun shqiptar me rolin e saj si “Mia Koluçi” tek “Rebelde”.
Megjithëse ky serial ka përfunduar vite më parë, ai kujtohet me nostalgji nga fansat e tij dhe publiku vazhdon të jetë kurioz se ç’ndodh me jetën e personazheve.
Sot, kemi të reja nga jeta e Anahi-t, e cila është bërë nënë për herë të dytë.
Aktorja ka sjellë në jetë një djalë, emrin e të cilit e kishte zgjedhur që më parë.
I porsalinduri është quajtur Emiliano, siç kishte dëshiruar djali i parë i aktores.
Anahi ndau në Instagram pozën e ëmbël me të sapolindurin dhe bashkëshortin, ndërsa krahas fotos shkroi:
“Mirë se erdhe Emiliano! Erdhe pak më herët, vetëm 37-javësh, por faleminderit Zotit jemi të dy shumë mirë! Ishte një lindje e bukur! Do t’ju tregoj të gjitha detajet më vonë! Tani i falenderohem Zotit dhe juve që u lutët për mua”
https://www.instagram.com/p/B8GQNd7ntqC/
Që prej vitit 2015, Anahi është e martuar me politikanin Manuel Velasco Coello.
