Ndonëse është ‘zhdukur’ nga skena shqiptare Lorna Hysa ka vazhduar pasionin e saj dhe këtë herë në një skenë më të madhe.
Ajo ka provuar talentin në spektaklin “Super Star” në Gjermani.
Lorna ka tërhequr vëmendjen e katër anëtarëve të jurisë me performancën e saj, por edhe për veshjen.
Juria gjermane përkatësisht, Dieter Bohlen e kritikoi fort për veshjen e saj.
Lorna kishte zgjedhur të shkonte ekstravagante me një veshje të ngjashme me ato të balerinëve të dancit ssportiv, që i nxirrte në pah trupin dhe kishte lyer buzët e kuqe.
Megjithatë, ajo ia ka dalë që të pranohet për në fazën tjetër.
Juria profesioniste ka vlerësuar talentin e saj dhe i ka dhënë një mundësi të dytë.
Në mediat gjermane është thënë se ajo është mikeshë e Loredanës dhe ndoshta do të ecë në hapat e saj.
Në këtë spektakël ka marrë pjesë edhe Ardian Bujupi disa vite më parë dhe tani ai është një artist i njohur në tregun gjerman.
Lorna Hysa u bë e njohur për publikun shqiptar në vitin 2012.
Ajo u shfaq për herë të parë në skenën e “X Factor” si një studente Informatike, e cila kërkonte të eksperimentonte në fushën e muzikës.
Lorna kaloi fazën e parë në spektakël, megjithatë ajo nuk arriti të shkëlqejë aq sa duhet.
Në vitin 2014 ajo mori pjesë edhe në “Kënga Magjike” me projektin e saj muzikor “Selfie”. Për arsye të pa njohura kjo këngë nuk është më në Youtube dhe me sa duket këngëtarja dëshiron të nisë nga e para karrierën në Gjermani.
