Prej disa kohësh, moderatorja e ëmbël e ekranit, Kiara Tito, i është përkushtuar kanalit të saj në Youtube.
Aty, Kiara ndan me publikun pjesë nga jeta e saj dhe duket se e ka lënë pak pas dore televizionin.
“Projekt i ri televiziv së shpejti. Mezi pres t’ju tregoj” -shkruante Kiara.
Së fundmi, ajo ka vendosur të zbulojë edhe detaje nga emisioni i saj i ri, i cili po e rikthen në ekran.
Mesa duket, bëhet fjalë për një emision mode, të paktën kështu ka lënë të kuptohet ajo.
“A tha dikush emision mode?”- shkroi Kiara krahas një fotoje, duke na bërë ende më shumë kuriozë se për çfarë bëhet fjalë.
Kiara është tepër e apasionuar pas modës dhe këtë e tregon vazhdimisht në profilin e saj në Instagram, nëpërmjet fotove ku shfaq veshje e kombinime të ndryshme plot stil.
