Plot 18 klandestinë sirianë janë shpëtuar në Durrës në tentative për të kaluar me skaf drejt Italisë.
Ka qenë skafisti ai që ka dhënë alarmin, pasi skafi ka rrezikuar të mbytet për shkak të motit të keq.
Në ndihmë të tyre ka ardhur policia kufitare ndërsa pas daljes në breg, njerëzve po u jepet ndihma mjekësore.
Mësohet se mes klandestinëve është edhe një fëmijë.
Skafi ka qenë disa milje në det nga kur ka shfaqur probleme, ndërsa policia kufitare, pas shpëtimit, e ka parkuar në mjediset detare të policisë kufitare të portit të Durrësit.
Dyshohet se klandestinët janë strehuar diku në afërsi të bregdetit disa ditë me parë në pritje të skafit që do t’i dërgonte në Itali.
