Një studim i ri i botuar të enjten mbrëma tregon se njerëzit mund ta përhapin Koronavirusin para se të shfaqin ndonjë simptomë.
Studiuesit gjermanë zbuluan se virusi është transmetuar nga njerëz pa simptoma në pesë raste: nga një prind te një vajzë; nga ajo vajzë te dy kolegë; dhe nga njëri prej atyre kolegëve te dy bashkëpunëtorët e tjerë.
“Nuk ka dyshim pas leximit të këtij punimi që transmetimi asimptomatik po ndodh”, tha Dr. Anthony Fauci, drejtor i Institutit Kombëtar për Alergji dhe Sëmundje Infektive.
Për gati një javë, zyrtarët e shëndetësisë në SHBA kanë debatuar nëse dikush mund të përhapë virusin gjatë periudhës së inkubacionit, pra kur ata janë të infektuar, por jo kur shfaqin shenja të sëmundjes.
Ministri kinez i Shëndetësisë tha se mund të përhapet pa shfaqur simptoma, por autoritetet amerikane kishin dyshimet e tyre sepse kinezët nuk dhanë prova.
Nëse kjo ndodh atëherë zyrtarët duhet të fillojnë të marrin masa më dramatike të kontrollit, siç janë karantinat.
Koronavirusi, i cili u identifikua për herë të parë në Kinë në dhjetor, ka vrarë më shumë se 200 njerëz dhe ka infektuar afro 10,000 në shumë vende të botës.
/CNN
