Sapo u bë edhe më emocionues fakti që pas ndarjes, Rihanna po shijon një romancë me reperin, A$AP Rocky, doli dikush dhe hodhi poshtë të gjithë imagjinatën tonë!
Një burim tha për E! News se Rihanna dhe reperi i famshëm nuk janë në një lidhje për momentin dhe se ata thjesht po shoqërohen.
Nuk e kemi idenë se çfarë ka dashur të thotë autori me këtë por, dimë që Rihanna tashmë është single dhe mund të bëjë çfarë të dojë me jetën e saj.
“Rihanna është single. Sapo i dha fund një marrëdhënieje të gjatë dhe intensive me Hasanin. Ajo dëshiron të jetë single dhe nuk do të hyjë në një marrëdhënie të re. Ajo po shoqërohet me A$AP Rocky-n por nuk është e lidhur me të”, tha burimi.
“Ata kanë një histori të gjatë dhe ajo thjesht po argëtohet”, shtoi ai gjë që na bën të besojmë se ka disa flirtime që po ndodhin mes të dyve.
Pak ditë më parë u tha se Rihanna mund të ketë nisur një lidhje të re me reperin A$AP Rocky. Një burim tregoi për “The Sun” se ata janë në fillimet e lidhjes së tyre.
“Ata ndanë bashkë një suitë hoteli gjatë udhëtimit në Nju Jork”, tha një i brendshëm për vizitën e tyre të fundit në NYC.
“Sidoqoftë, Rihanna nuk ka dëshirë t’i vendosë një emër kësaj lidhjeje pasi është shumë shpejt”.
“Ata e shijojnë shoqërinë e njëri-tjetrit por janë ende në fillimet e tyre”, vijonte burimi.
