Gëzime dhe brohoritje në dhomën e kontrollit në NASA, pasi sonda hapësinore Juno hyri sipas planit në orbitën e Jupiterit, për të studiuar planetin më të madh të sistemit diellor.
Pas një udhëtimi pesëvjeçar nga Toka, nga u nis më 5 gusht 2011, anija kozmike me energji diellore arriti në sipërfaqen e Jupiterit duke shmangur më të keqen e saj, rripin e rrezatimit dhe unazat e rrezikshme të pluhurit.
Ai shkarkoi motorin kryesor, ngadalësoi shpejtësinë dhe u kap në orbitën e rëndë të Jupiterit.
Pasi kjo u realizua, shkencëtarët e ngazëllyer bënë një konferencë për mediat. “Të dish që do të shkosh në shtrat sot pa u shqetësuar se çfarë do të ndodhë nesër, është thjesht e mrekullueshme”, tha Diane Brown, një menaxhere projekti në NASA.
Misioni Juno do t’i kushtojë NASA-s 1.1 miliardë dollarë. Ai do të qarkullojë në Jupiter për 20 muaj, para se të shkatërrohet në atmosferën e ashpër të planetit.
Çdo raportim që vjen nga Juno kërkon 48 minuta kohë, sepse kaq i duhet dritës të shkojë nga Juno në Tokë. Ai do të ndajë fushat e gravitetit dhe magnetike të Jupiterit, si dhe do të zbulojë se sa ujë ka në atmosferë.
Ndër të parët që përgëzoi këtë ditë të shënuar ishte “Google”.
Burimi: The Guardian
