Është rritur sërish numri i viktimave nga Koronavirusi. Sipas raportimeve në media numri i të vdekurve nga virusi ka shkuar në 170 persona.
Edhe numri i të prekurve është rritur, zyrtarisht numërohen 7814 persona.
Pavarësisht se Kina ka izoluar vendin dhe po bën të pamundurën për të mos e përhapur Koronavirusin, harta e vendeve të prekur është rritur gjithashtu dhe tani virusi është shpërndarë në më shumë se 17 vende.
Rastet e para janë regjistruar edhe në Europë dhe në Gjermani është identifikuar rasti i një personi, i cili nuk kishte vizituar Kinën.
Përhapja e virusit ka ‘shpallur’ edhe një garë mes shkencëtarëve, të cilët po përpiqen të gjejnë vaksinën kundër Koronavirusit.
Sipas raportimeve bëhet me dije se në fillim të verës vaksina do të jetë gati dhe do të përhapet me shpejtësi në vendet e prekur.
