Xhevdet Ferri, një ikonë e kinematografisë shqiptare, u nda nga jeta ditën e djeshme, në moshën 59-vjeçare.
Ai vuante nga një sëmundje e pashërueshme pulmonare.
Ditën e sotme, rreth orës 13:00, ai është përcjellë për në banesën e fundit, ashtu siç ai e kishte lënë amanet.
Aktori nuk dëshironte që t’i bëheshin homazhe, prandaj bashkëshortja dhe e bija kanë vendosur t’i respektojnë këtë dëshirë të fundit.
Familjarët pritën vizita vetëm në shtëpinë e tyre, dhe në Ministrinë e Kulturës nuk u mbajtën homazhe.
