Rihanna asnjëherë nuk ndalon së mahnituri ne!
Javën e kaluar Rih dhe Calvin Harris prezantuan videon e tyre epike “This Is What You Came For”, ndërsa vetëm dje ajo publikoi videon e këngës “Sledgehammer” në mënyrën më të veçantë.
Jo vetëm që video e muzikës është mahnitëse dhe jashtë kësaj bote me fytyrën e saj të pikturuar dhe modelin e flokëve, por gjithashtu është klipi i parë premier që bëhet në formatin IMAX (një teknikë kinematografike e ekranit të gjerë që prodhon një imazh rreth dhjetë herë më të madh se nga ai standard).
Në këtë mënyrë, RiRi bëhet artistja e parë që xhiron një videoklip të tillë, të formatit që përdoret gjerësisht për filmat me metrazh të gjatë.
Kënga e saj “Sledgehammer” që është kolona zanore e filmit “Star Trek Beyond”, është publikuar në platformën VEVO dhe Tidal për t’u parë nga audienca.
Në videon me efektet mbresëlënëse, ndonëse me një pamje pothuajse jashtëtokësore, duket thjesht e mahnitshme.
Burimi: Glamour
