Nëpërmjet një deklarate, Drejtoria e Përgjithshme e Shërbimit të Transportit Rrugor ka njoftuar ditën e sotme se në Shqipëri do të ndryshojnë targat.
Ato vijnë më të modernizuara dhe me elemente të shtuar të sigurisë dhe në këtë mënyrë falsifikimi bëhet më i vështirë.
Në njoftim thuhet se ato kanë 15 elemente sigurie dhe deri më 31.12.2022 të gjitha makinat do të kenë targa të reja.
Por, nga kërkimet e bëra u vu re se ky projekt mund të ketë lidhje me atë të vitit 2014 që u diskutua nga ish-ministri i Transportit dhe Infrastrukturës Edmond Haxhinasto.
Në atë kohë për arsye ende të pa zbuluara, kompania konçesionare u tërhoq dhe projekti mbeti i pa përfunduar.
Tani ky projekt duket se është rikthyer në vitin 2020 dhe nga njoftimi i bërë nga Drejtoria e Përgjithshme e Shërbimit të Transportit Rrugor ka vend për dyshime.
Nuk dihet ende nëse këtë projekt do e vëri në zbatim shteti apo një kompani konçesionare, megjithatë ‘targat inteligjente’ prekin drejtpërdrejt privatësinë e njerëzve.
Barkodi që ato përmbajnë regjistrohet dhe në këtë mënyrë merren të gjitha të dhënat e pronarit të mjetit dhe ai kontrollohet në çdo hap.
Atëherë lind pyetje… Meqë ato kanë standarte europiane përse në vendet e zhvilluara nuk janë vendosur dhe kanë krijuar një debat të gjerë?
‘Targat inteligjente’, janë të aplikuara në disa shtete ku privatësia e individëve lë për të dëshiruar si në, Kinë apo në Dubai.
Gjithashtu, këto targa aplikohen edhe në disa shtete në Amerikë, por në këto vende ligjet për privatësinë janë shumë të rrepta dhe vështirë se cënohet individi.
Shqipëria një vend i vogël, a është gati të jetë në një hap me shtetet amerikane?
Kjo çështje do të vazhdojë edhe më tej me shpresën se institucionet përkatëse do të jenë më transparente.
