Aktori i njohur i serialit “Amerikan Horror Story”, Harry Hains ka vdekur në moshën 27-vjeçare, pas luftës me sëmundjen mendore dhe varësinë nga droga.
Nëna e aktorit, Jane Badler, konfirmoi lajmin në Instagram, duke thënë se djali i saj i bukur ndërroi jetë më 7 janar.
“Ai ishte 27 vjeç dhe e kishte botën në këmbët e tij,” shkroi ajo, së bashku me një seri fotografish të Hains.
“Por për fat të keq ai luftoi me sëmundjen mendore dhe varësinë nga droga. Do të më marrë malli për Harry-n çdo ditë të jetës sime”.
https://www.instagram.com/p/B7Gz5r2DvHE/
Aktorja Badler, 66 vjeç, nuk zbuloi një shkak vdekjeje.
Hains lindi në Melbourne, Australi, por përfundoi në SHBA, ku ndoqi modelimin dhe aktrimin.
Përpos “American Horror Story: Hotel”, ai u shfaq në seri të tilla si OA dhe The Deleted. Ai ishte gjithashtu një muzikant dhe interpretonte me emrin ANTIBOY.
