Një krim i rëndë ka ndodhur në Paskuqan, ku kunati Eredet Çapoku ka goditur për vdekje kunatën e tij Enkeleda Çapoku, me shkop druri.
30-vjeçarja nuk u ka rezistuar plagëve të marra dhe ka ndërruar jetë në vend. Mësohet se gjithë skena ka ndodhur para fëmijëve të viktimës, të cilët e kanë parë me sy vdekjen e nënës nga duart e xhaxhait.
Ngjarja ka ndodhur pas një konflikti familjar në shtëpinë e viktimës Enkeleda, ku ishte e pranishme edhe nëna e saj.
Mësohet se viktima ka pasur prej kohësh probleme me kunatin, i cili e përndiqte kudo që pasi bashkëshorti i saj ishte futur në burg për drogë. Sa herë që ajo dilte, ai e fotografonte dhe ia dërgonte bashkëshortit të saj në burg duke shkaktuar konflikte mes çiftit.
Autori është shpallur në kërkim nga policia.
Njoftimi i policisë:
Më datë 09.01.2020 rreth orës orës 23:40, në Paskuqan shtetasi E. Ç.,34 vjeç, për motive ende të paqarta ka goditur për vdekje me mjet të fort (shkop druri) kunatën e tij shtetasen E. Ç.,30 vjeçe, e cila si pasojë e plagëve të marra ka ndërruar jetë.
Policia ka shkuar menjëherë në vendngjarje, dhe ka shpallur në kërkim policor shtetasin E. Ç, i cili pas ngjarjes është larguar Grupi hetimor vijon punën për sqarimin e rrethanave të ngjarjes dhe kapjen e autorit.
